Homenaxe a D. Antonio, o noso párroco

O pasado domingo 21 de decembro, o noso párroco D. Antonio, recibiu unha calorosa homenaxe dos fregreses das súas cinco parroquias: Papucín, Frades, Mesos, Abellá e Aiazo polos seus 50 anos de sacerdocio.

Trala misa de rigor en Papucín, na que participaron activamente veciños das cinco parroquias nos cantos e lecturas, houbo un xantar no Restaurante Cadaval, onde tamén se lle fixo entrega dunha placa.

Ademais, os veciños de Aiazo quixeron ter un detalle e unhas palabras con el ao rematar o seu oficio na nosa parroquia. O agasallo consistía nunha Biblia gravada e unha enciclopedia relixiosa. As palabras de agradecemento reproducímolas a continuación:

Estimado D. Antonio, nestes 50 anos de sacerdocio, os da parroquia de S. Pedro de Aiazo queremos darlle as gracias:

- Gracias porque sempre ten un sorriso para nós.

- Gracias pola súa bondade.

- Gracias polo interese e preocupación que sempre mostra por nós.

- Gracias pola súa comprensión e paciencia.

- Gracias por saber levarnos da mellor maneira posible.

Que saiba, que Xesús estaría moi orgulloso destes 50 anos de entrega a Deus e aos demais, por difundir a súa mensaxe coa palabra, pero sobre todo co seu exemplo.

Aiazo, 21 de decembro de 2014