Festa dos Pasos 2012

Coma cada ano, os membros da Asociación de Veciños "Os Pasos" de Aiazo, celebran un xantar na área recreativa da súa localidade. Aínda que o tempo non acompañou por momentos, o acontecemento conseguiu reunir a un bo número de veciños que devecían por xantar en comunidade, contar uns contos e, por que non, botar unhas bailas.

Como novidade, este ano contamos coa presenza dunha pulpeira do Carballiño, que nos serviu empanada, pulpo e carne ao caldeiro a corpo de rei. E de sobremesa, unha tarta larpeira exquisita!

Tralo xantar, os nosos veciños de Sarillo de Aiazo amenizaron a tarde ao son das súas gaitas, pandeiretas e como non dos seus cantos. Vaia festa se armou!

E polo serán, chegou o trío Sintonía, disposto a facernos mover ata o último dedo do pé. Pero que bailaríns estamos feitos.

Esta é só unha pequena mostra. Tódalas fotos en facebook. Seguídenos e etiquetádevos nas fotos nas que saiades.