O pasado 20 de marzo celebramos a XI edición da Festa da Merenda.
O día comezou chuvioso e gris, pero logo se animaron os primeiros festeiros.
Dende ás 12 do mediodía, tivemos degustación gratuita das merendas.
Ás 13:30 comezaba a actuación da Charanga Mekánika!
Xa polas 16 h. comezaría a VI Foliada da Merenda que organiza a Asociación Sarillo e que este ano contou coa participación das seguintes agrupacións: Reviravolta (Lardeiros), Agrocovo (Esteiro), Arnela (Carral), As Sobreiras do Ulla (Touro), Os do Pilón (Arzúa) e os locais Sarillo de Aiazo.
Por suposto, non faltou o bochinche e a pulpería. Aínda así, o importante da festa foron as merendas que non deixaron de cociñarse en todo o día.
E todo iso gracias ás nosas magníficas cociñeiras. Sen elas nada disto sería posible. Sodes as mellores! Tamén queremos agradecer a todos os veciños/as que colaborastes cociñando, servindo, aparcando, etc. Sen a vosa axuda, nada disto sería posible!
Agradecer tamén ao concello de Frades o seu interese na festa e a tódolos patrocinadores polo seu gran de area. Por último, moitas gracias aos que viñestes a pasar o día con nós e colaborastes coa festa mercando un pano, unha rifa ou unha merenda para levar. Moitas gracias tamén, aos que estivestes comendo na área e recollestes todo ao marchar.
Vémonos o ano que vén!
*Máis fotos na sección "Aiazo en imaxes", en facebook e twitter.
Ningún comentario:
Publicar un comentario