Que cor queres para a XI Festa da Merenda?

Tal e como fixemos na edición pasada, propoñémosvos que nos axudedes a elixir a cor dos panos da XI Festa da Merenda do vindeiro 20 de marzo. As cores dispoñibles, sen repetir as de anos anteriores, son: rosa, branco, laranxa e azul claro. Cal é a vosa favorita? Tedes ata o 14 de febreiro para deixar os vosos comentarios coa cor elixida en Facebook ou Twitter co cancelo ‪#festadamerenda16 e etiquetando a @ospasosaiazo. A cor con máis votos nas dúas redes sociais será a elixida para os panos desta edición.