Os Pasos (Aiazo)

2012-02-27T16:25:00.000+01:00

Os artesáns interesados en asistir, poden contactar con nós a través do correo electrónico ospasosaiazo@gmail.com

E ti, sabes o que e a merenda?

2012-02-13T20:29:00.001+01:00

Video presentación Sarillo de Aiazo

2012-02-13T12:53:00.001+01:00

A nosa compañeira Natalia preparounos unha sorpresa moi agradable, este video presentación de tódolos que formamos o grupo "Sarillo". Moitas gracias!

Moi pronto a promo da VII Festa da Merenda

2012-02-10T16:44:00.000+01:00

O ano pasado promocionabamos a nosa Festa da Merenda así...

Moi pronto a promo da VII Festa da Merenda que será o vindeiro 1 de abril. Estade moi atentos ao noso blog e facebook.

Chocolate e biscoitos no día de Reis

2012-02-02T23:19:00.001+01:00

O pasado 6 de xaneiro, Sarillo de Aiazo convidou a tódolos veciños/as a un chocolate quente e uns biscoitos á saída da misa, ademais de cantar o tradicional canto de reis. Podedes ver algúns videos aquí:

Axudádenos a gañar 6 pandeiretas para "Sarillo de Aiazo"

2011-12-31T17:01:00.000+01:00

Para tódolos que teñen facebook:

Axudádenos a gañar 6 pandeiretas para o noso grupo "Sarillo de Aiazo" dándolle a "gústame" no noso video en https://www.facebook.com/saninpercusiontradicional (só poderán facelo aqueles que teñan unha conta de facebook). Estamos cantando a jota e muiñeira de Aiazo. A copla con máis votos, levará as pandeiretas. Moitas gracias!

Magosto 2011

2011-11-15T20:51:00.004+01:00

Coma cada ano por estas datas, a A.V.V. "Os Pasos" de Aiazo celebra un magosto para tódolos veciños/as. Este ano non ía ser menos así que aquí van algunhas imaxes dese día.

Tódalas fotos en facebook

ou no seguinte álbum:

Xantar homenaxe ás cociñeiras da Festa da Merenda

2011-10-24T21:32:00.000+02:00

As nosas cociñeiras máis famosas, as da Festa da Merenda de Aiazo, tiveron a súa particular homenaxe por parte da Asociación de Veciños "Os Pasos" e de tódolos veciños o pasado mes de setembro.

En agradecemento á súa entrega e ao seu traballo desinteresado na que xa é a festa gastronómica de máis sona no noso concello, disfrutaron dun xantar na Área Recreativa "Os Pasos" e foron agasalladas con cadanseu calendario personalizado coa súa foto.

Gracias por cociñardes así de ben!!!

Fotos da XIV Ruta de Sendeirismo

2011-09-12T17:59:00.000+02:00

Xa están dispoñibles na sección "Aiazo en imaxes" as fotos da XIV Ruta de Sendeirismo na que visitamos o museo etnográfico do concello.

Aínda que caeron algunhas pingueiras, pasámolo en grande, descubrimos paisaxes incribles e aprendemos moitas cousas do noso pasado.

Pola tarde o Mago Marttyn deixounos abraiados cos seus trucos de maxia e se non que llo digan aos voluntarios que presenciaron de primeira man como erguía unha mesa no aire, como facía aparecer un billete no sitio menos pensado, etc.

XIV RUTA DE SENDEIRISMO (Aiazo 2011)

2011-07-30T18:01:00.000+02:00

O vindeiro sábado 6 de agosto terá lugar a XIV Ruta de Sendeirismo na que se fará unha camiñata ata o concello para ver o Museo Etnográfico de Frades. Despois xantarase na Área Recreativa "Os Pasos" e pola tarde contaremos co espectáculo "IlusionArte" do Mago Marttyn, subvencionado pola Rede Cultural da Deputación da Coruña.

Moita, moita, moita festa!!!

2011-07-29T17:28:00.000+02:00

Moita comida, moita música, moita natureza e sobre todo, moita festa. Esta é a esencia da Festa dos Pasos que coma cada ano se celebra na Área Recreativa do mesmo nome co obxectivo de xuntar a tódolos veciños/as de Aiazo para contar uns contos, divertirse e botar unhas bailas.

O tradicional menú consistía en empanada, churrasco, tarta larpeira, café e queimada. Despois comezaba a música de man da charanga Ruada.com e, ao anoitecer, co dúo Camilo e Eva.

Como vos podedes imaxinar a festa rematou de madrugada, e é que aos aiacenses non hai quen nos pare. De tódolos xeitos, este ano saíronnos uns serios competidores. Estou a falar dos membros da Banda de Música de Ordes que tamén celebraban unha churrascada ese mesmo día e non dubidaron en unirse a nós no baile. Menuda marcha que tiñan! Pero que fácil cho puxemos Eva, sempre es ti a que vas buscar a xente para bailar; pero esta vez apuntabámonos todos sen rechistar!

Festa dos Pasos 2011

2011-07-12T16:17:00.000+02:00

Tralas festas patronais de San Pedro, a próxima parada festeira de Aiazo será a Festa dos Pasos, a xuntanza anual dos socios da A. VV. "Os Pasos". Este xantar veciñal terá lugar o vindeiro 23 de xullo na Área Recreativa dos Pasos.
Este ano, amenizará a tarde a charanga "Ruada.com" e, pola noite, contaremos coa presencia do dúo "Camilo e Eva", que xa nos acompañou o segundo día das festas de San Pedro.

Agardamos que sexa un día estupendo, no que tódolos veciños/as se reencontren e disfruten comendo, cantando e bailando. Vémonos alí!
Se queredes asistir, tedes que anotarvos antes do día 17 de xullo.

Fotos do Entroido 2011

2011-06-03T17:33:00.000+02:00

Chegáronnos unhas fotos deste Entroido nas que saen algúns aiacenses facendo das súas.

Estamos a falar dos membros de Sarillo de Aiazo que non dubidaron en montar un "control de halkolemia" (como eles escriben), con conos e todo, para immobilizar a todos aqueles vehículos que saían da discoteca Kull de Ponte Carreira.

Como vos podedes imaxinar, alí non se librou ninguén; bueno sí, unha rubia cañón que non deixou indeferente aos gardas.

O control rematou con todos os alí presentes bailando a canción "Porque isto é tráfico" que todos coñecemos do programa Land Rober da galega.

O baile, os disfraces e a posta en escea fixéronlles gañar o segundo premio da categoría grupal. Noraboa!

Nos xornais, na radio e tamén na tele

2011-05-02T15:58:00.000+02:00

Pois si. De novo a merenda tivo un oco en xornais comarcais e de tirada en toda Galicia.

http://www.tierrasdesantiago.com/index_3.php?idMenu=323&idNoticia=658355

http://www.lavozdegalicia.es/santiago/2011/04/12/0003_201104S12C11991.htm

Aínda que non temos as gravacións, tamén houbo dúas entrevistas radiofónicas a membros da organización da festa en Radio Voz e Cadena Cope.
E, por último, o programa "Vaia Troula" da galega fixo unha reportaxe do acontecemento.

Merenda 2.0

2011-04-25T16:53:00.051+02:00

O pasado 10 de abril marcou un antes e un despois en Aiazo. Ese día celebramos a VI Festa da Merenda, pero esta edición contou con importantes novidades como xa viñamos anunciando días atrás. Por iso a alcumamos Merenda 2.0, a nova xeración da Festa da Merenda que cada vez é máis coñecida no noso país.

Para empezar a festa trasladouse do venres á noite ao domingo todo o día. Comezou ás 12 do mediodía e rematou aló pola 1 da madrugada. E todo ese tempo amenizado con música e, como non, con merendas!

Ademais este ano non só tivemos a música de dúas grandes orquestras (Ciclón e Paris de Noia) senón que tamén celebramos a Foliada da Merenda coa presenza dos seguintes grupos invitados, aos que dende aquí agradecemos enormemente a súa colaboración desinteresada:

- Os Reiceiros de Ponte Carreira. - A. C. Reviravolta de Lardeiros.

- A. C. As Sobreiras do Ulla de Touro. - Os Marteiros de Arca.

- Grupo de Música Tradicional de Ordes. - A. C. X. Sarillo de Aiazo.

Todos estes grupos fixéronnos vibrar coa súa música. Ao final, todos se uniron para cantar "O Caneco". Un momento espectacular!

Tampouco nos podemos esquecer da mostra de artesanía e dende aquí queremos agradecer a presenza dos diferentes artesáns que nos mostraron os seus produtos. Houbo cestos, xoias de prata, de coiro, instrumentos, etc. Auténticas marabillas! Mirade, mirade...

O bochinche e a pulpería completaron unha xornada na que o bo tempo nos quixo honrar coa súa presenza. Sabemos que foi tanta a xente que se achegou ata o campo ao longo do día que tanto o bochinche coma a pulpería se desbordaron e esgotaron as súas existencias.

Cada vez contamos con máis adeptos!!! Este ano destacamos a presenza de numerosas familias, pais, fillos e avós, que disfrutaron dun día agradable en plena natureza e na compaña dos seus. Aínda que tampouco podemos obviar a presenza dos mozos que, máis rezagados, se achegaron pola tardiña para desfrutar da verbena.

E é que as orquestras dérono todo. Xa sabíamos do desparpajo da vocalista feminina de Ciclón, pero de verdade, Noelia, esta vez deixáchesnos coa boca aberta. Subícheste a canto sitio hai, quitácheslle unha botella de viño a uns mozos e leváchela contigo para o escenario, bailaches con todos os que se che poñían por diante e ata te atreviches a desnudar a dous membros da comisión! Ti si que as sabes todas!

E a Paris de Noia tampouco defraudou. Os seus cantantes e músicos deron o mellor de si nunha actuación irrepetible. Se ata baixaron nunha das súas últimas pezas para sentir o calor da xente. Sodes a caña!

Iso sí, o importante da festa foron as merendas que non deixaron de cociñarse en todo o día. Fixéronse máis tortillas de masa que en ningunha das anteriores edicións e por dúas veces houbo que repoñer os torriscos. E todo iso gracias ás nosas magníficas cociñeiras. Sen elas nada disto sería posible. Sodes as mellores!

Non me esquezo de mencionar a presenza dos medios. Se o ano pasado, era o programa "España Directo" de tve; este ano foi o programa "Vaia Troula" da galega. As súas cámaras gravaron a esencia da festa e a súa reporteira entrevistou a cociñeiras, membros da organización, gaiteiros, veciños, festeiros...

En definitiva, un día inmellorable. Non credes?

Moitas gracias polos vosos comentarios de apoio. Tódalas fotos en facebook e na sección "Aiazo en imaxes".

Sarillo de Aiazo en "Vaia troula"

2011-04-14T22:27:00.000+02:00

Hai quince días, Sarillo de Aiazo participou nas XXVII Noites de Tasca en Ponte Carreira. Ese mesmo día, as cámaras do programa "Vaia Troula" da galega cubrían o evento e grabaron parte da súa actuación, así como tamén entrevistaron a algúns dos membros do grupo.
O pasado sábado, á tardiña emitiuse a reportaxe completa na tvg. Para os que non a puidestes ver, aquí tedes o video:

Pero aínda hai máis. Os redactores do programa volveron a Aiazo o pasado domingo, esta vez para facerse eco da VI Festa da Merenda. Seguro que moitos de vós vistes os seus micros e as súas cámaras. Pois ben, este sábado día 16 de abril, aló polas 18:30, emitirase a reportaxe completa gravada na VI Festa da Merenda de Aiazo. Non a perdades!

E seguimos...

2011-04-06T17:00:00.000+02:00

Esta é a cuña radiofónica que se oirá esta semana en Cadena 100 e Cope.

E isto saíu no xornal Tierras

E parece que imos ter bo tempo...

Comezamos a publicitar...

2011-03-29T22:14:00.001+02:00

VI FESTA DA MERENDA (domingo 10 de abril)

2011-03-18T16:35:00.005+01:00

Fans da Merenda, anotade esta data, domingo 10 de abril,e preparádevos para disfrutar con todo o que vos temos preparado este ano.

Para empezar, a festa será un domingo durante todo o día. Polo tanto máis merenda, máis festa e máis diversión.

Haberá degustación gratuita de merendas a partir das 13 horas e tamén pulpeira para os que queden con fame. Tamén haberá diversos postos de artesanía durante todo o día.

A música acompañaranos dende as 13.30, pois a esa hora comeza a Foliada da Merenda coa actuación dos seguintes grupos folk:

- Reviravolta de Lardeiros

- Os Reiceiros de Ponte Carreira

- As Sobreiras do Ulla

- Os Marteiros de Arca

- Grupo de música tradicional de Ordes

e como non, os anfitrións, os nosos veciños de Sarillo de Aiazo.

A Foliada rematará ás 18.00 cun pase seguido de tódolos grupos. E a esa hora comezará a verbena, este ano, coas orquestras:

Recordade, domingo 10 de abril, na área recreativa "Os Pasos" de Aiazo.

E para ir abrindo boca...

Non faltedes!

Feijoo coas cociñeiras de Aiazo

2011-03-09T16:26:00.000+01:00

O pasado luns de antroido, o presidente da Xunta, Alberto Núñez Feijoo, estivo en Frades para inaugurar o multiusos e para asistir ao nomeamento do maxistrado José Mª Botana como fillo predilecto do noso concello.

A A.V.V. "Os Pasos" de Aiazo foi a encargada de preparar as filloas, orellas, chourizos e, como non, as merendas que degustaron todos os alí presentes. As nosas cociñeiras da Festa da Merenda impresionaron ao noso presidente, quen saudou a cada unha delas e non dubidou en probar as súas deliciosas filloas.

A nota musical púxoa "Sarillo de Aiazo", que aledou a tódolos asistentes durante toda a tarde.

Comeza a conta atrás...

2011-02-07T18:03:00.003+01:00

Xa temos Facebook!

2011-01-31T18:15:00.002+01:00

A partir de agora e por petición popular, tamén poderedes consultar tódalas novidades, fotos, videos, informacións, eventos... relacionados coa nosa parroquia na rede social Facebook.

Se vives en Aiazo, vas alí as fins de semana ou en vacacións, tes familia alí, estiveches algunha vez na Área Recreativa "Os Pasos", viñeches a algunha das nosa festas ou simplemente che gusta a nosa parroquia, engádenos como amigo. Así tamén poderás compartir con todos nós dun xeito máis doado as túas fotos, videos e comentarios de Aiazo.

Ata pronto.

"O que non sabe mañas, non come castañas"

2010-12-02T23:14:00.000+01:00

O pasado sábado tivemos triple celebración en Aiazo. Ao tradicional magosto, sumámoslle a inauguración da ampliación do local social, coa presencia do alcalde e algúns concelleiros, e a presentación do DVD "Coñecendo o noso pasado" que está sendo tan ben acollido.

A festa comezaba aló polas 9 da noite. As mulleres afanábanse a facer filloas e os homes asaban as castañas.

O alcalde dixo unhas palabriñas e xunto co noso concelleiro, descubriron a placa do local.

A continuación sentamos á mesa para comer as castañas e combater o frío daquela noite porque xa o di o refrán, "pra quita-lo frío e fartarte ben, podes comer castañas e viño morno con mel".

Tralas castañas viñeron as filloas, os chourizos, a tarta larpeira e o queixo.

Despois, tocáballe a vez a presentación do DVD "Coñecendo o noso pasado", que mantivo en vilo a tódolos asistentes.

Catro dos seus protagonistas acompañáronnos na estrea e recibiron un agasallo da asociación.

Por último viría a música e como "o que non sabe mañas, non come castañas", houbo quen non dubidou en disfrazarse, actuar, cantar e mesmo regueifar facendo rir a todos. Se ata se achegaron por alí nada máis e nada menos que as fillas da Conexa! E non nos esquezamos da bendición do pozo! Dende logo, en Aiazo somos auténticos!

Ata o ano que vén veciños.

Magosto 2010

2010-11-22T16:33:00.000+01:00

O próximo sábado 27 de novembro, terá lugar o magosto no local social de Aiazo. Haberá castañas, filloas e chourizos.
Ese día contaremos coa presencia do alcalde e algún concelleiro para inaugurar a ampliación do local.
Ademais, presentarase o DVD "Coñecendo o noso pasado" e estarán presentes os seus protagonistas, as persoas que tan amablemente nos contaron as súas historias.

Esperámosvos alí a todos, a partires das 20.30.

Coñecendo o noso pasado

2010-11-05T15:56:00.000+01:00

Aquí vos presentamos a promo do proxecto "Coñecendo o noso pasado" que está a elaborar a A. VV. "Os Pasos", grazas á Dirección Xeral de Xuventude da Consellería de Traballo e Benestar; e que proximamente estará dispoñible en DVD. Trátase dunha gravación feita a seis aiacenses de entre 72 e 93 anos, na que contan como era a vida hai non tantos anos. Fálannos da súa infancia, xuventude e familia; de como viviron a guerra, a emigración, a pobreza... pero tamén hai lugar para as cancións, as lendas e as máis divertidas anécdotas que nos farán rir a gargalladas. Este proxecto está dirixido a todos nós, grandes e pequenos, homes e mulleres, residentes en Aiazo ou non; porque dá conta do noso pasado, da nosa historia e, en definitiva, de nós mesmos.

Lotería de Nadal

2010-10-13T19:35:00.000+02:00

Xa están á venda os décimos de lotería de nadal co número da data de inauguración da Áea Recreativa "Os Pasos": 23794. Pódense mercar no chiringuito do río ou contactando con algún membro da directiva. A ver se toca algo coma o ano pasado!

San Roque 2010

2010-08-12T18:54:00.004+02:00

De ruta!

2010-08-05T18:46:00.000+02:00

Malia ser a décimo terceira Ruta de Sendeirismo de Aiazo, a mala sorte asociada a este número non fixo acto de presenza e, segundo dixeron moitos dos que alí estiveron, gozamos dun día maravilloso.

O camiño comezaba no local social, como cada ano, e dende alí dirixímonos, coma se dunha peregrinación se tratase, ata a coñecida como "catedral da montaña", a igrexa de Lardeiros.

Xa alí, agardábanos o seu párroco que, moi amablemente, nos explicou as curiosidades daquela igrexa que a fan tan especial e nos amosou os seus recunchos máis agochados.

Á volta, xantamos na área recreativa "Os Pasos" e disfrutamos dunha tarde chea de sorpresas. Aos tradicionais xogos de carreira de sacos, tiro de corda, etc sumóuselle unha paiasa que abraiou a grandes e a pequenos coa súa arte coa globoflexia e a maquillaxe. Ata se atreveu a gastarnos algunha que outra broma!

Tampouco podía faltar a auga e a espuma nunha tarde de calor, así que aquí vai un refrescante video.

Xantar + Carballeira + Música = FESTA

2010-07-25T23:59:00.005+02:00

Cumpríronse tódalas expectativas e non só o tempo, senón a diversión e a alegría, nos acompañaron esta fin de semana na festa dos Pasos, a festa de todos. Foi un día moi especial no que tódolos aicenses nos xuntamos para xantar e gozar dun día de verán na nosa carballeira máis coñecida xunto ao Tambre. Trala comida, comezaba a música e xa pola noite o baile que durou ata altas horas da madrugada como podedes ver nos videos que grabamos. Podedes ver tódalas fotos deste día na sección "Aiazo en imaxes".

XIII Ruta de Sendeirismo

2010-07-21T16:52:00.000+02:00

A XIII Ruta de Sendeirismo de Aiazo será o día 31 de xullo. Faremos un recorrido por algún lugar do entorno. Despois xantaremos na área recreativa e haberá unha animadora que fará xogos cos nenos. O último día para anotarse será o domingo 25 de xullo e o prezo é de 10 €. Para os nenos ata os 11 anos será de balde.

Festa dos Pasos 2010

2010-07-21T16:25:00.002+02:00

O vindeiro 24 de xullo, terá lugar a festa anual dos socios da A. VV. "Os Pasos" de Aiazo. Será coma sempre na área recreativa dos Pasos. Este ano, acompañaranos o dúo "Alameda". Esperemos que sexa un día estupendo, as previsións meteorolóxicas son moi boas, no que tódolos veciños/as se reencontren e disfruten comendo, cantando e bailando. Vémonos alí!

San Pedro 2010

2010-06-22T21:32:00.003+02:00

Sarillo de Aiazo na I Ruada "Vai de Troula" de Ordes

2010-06-01T21:58:00.001+02:00

As cociñeiras da V Festa da Merenda

2010-05-14T16:54:00.000+02:00

En diferentes xornais...

2010-05-12T16:48:00.000+02:00

Gravación de "España Directo" na V Festa da Merenda de Aiazo

2010-04-15T21:20:00.000+02:00

Crónica dunha festa anunciada (Merenda'10)

2010-04-12T22:38:00.002+02:00

Non queremos plaxiar a Gabriel García Márquez, pero este é sen dúbida o título desta entrada dedicada á V Festa da Merenda celebrada na nosa parroquia o pasado 9 de abril de 2010. E é que esta V edición da festa gastronómica revelación da comarca, foi publicitada case por terra, mar e aire. Comezando polos programas pegados nos bares, tablóns de anuncios e árbores, os folletos repartidos polos coches en festas previas, os anuncios polos micrófonos das orquestas, as noticias dos diferentes xornais (Tierras de Santiago, La Voz de Galicia e El Correo Gallego), os eventos nas redes sociais Tuenti e Facebook que acadaron máis de 300 seguidores e por último, do que nos sentimos máis orgullosos, a conexión en rigoroso directo co programa "España Directo" de TVE. Si, si, para os que aínda non se enteraron, a merenda aiacense e as nosas cociñeiras xa son famosas en toda España.

Evidentemente todo este traballo non sería posible sen o esforzo e a colaboración de todos aqueles que dunha maneira ou doutra puxeron o seu graiño de area na realización deste acontecemento. E ese traballo comezaba hai xa varios meses, ainda que se intensificou as semanas previas ao 9 de abril.

Malia ter o tempo a favor, tres Festas da Xuventude con orquestras de renome nos arredores desafiábannos este ano. Aínda así, o balance desta festa é moi positivo. Sinalamos a crecente presenza de matrimonios e nenos nunha primeira hora da noite atraídos polas nosas saborosas tortillas, seguidos dunha segunda oleada de mozos e mozas que chegaron máis tarde para disfrutar das orquestras que nos acompañaban. A cor amarela das tortillas e dos panos inundaba o campo. De seguido algunhas das imaxes da noite.

Programa da V FESTA DA MERENDA

2010-03-22T21:10:00.002+01:00

V FESTA DA MERENDA - 9 de abril

2010-03-17T21:04:00.002+01:00

Sarillo de Aiazo tamén na Xuntanza Anual das Amas de Casa de Frades

2010-02-27T22:41:00.003+01:00

Malia ter as previsións meteorolóxicas en contra e facendo oídos xordos a tódalas advertencias, Sarillo de Aiazo non faltou ao seu compromiso coas Amas de Casa do concello de Frades e deleitou coa súa música a tódalas persoas que alí se congregaron. Aquí vos deixo algunhas fotos desa noite, enviadas por Ignacio Souto.

As fichas de dominó de Aiazo gañadoras do 2º premio no Concurso de Disfraces de Frades

2010-02-27T22:10:00.016+01:00

Veciños e veciñas de Aiazo gañan o 2º premio no Concurso de Disfraces do Concello de Frades. As fichas de dominó cantareiras causaron moi boa impresión con un disfraz feito por eles mesmos e cantándolle unhas copliñas ao goberno estatal, autonómico e, por suposto, tamén ao local. Que a ninguén lle pareza mal!

O video foi enviado por Marcos Carro Fernández, a quen agredecemos enormemente que quixera compartilo con nós.

2010-02-15T15:46:00.003+01:00

Sarillo de Aiazo, grupo convidado na Noite de Troula de Touro celebrada o pasado venres 12 de febreiro.

http://www.lavozdegalicia.es/santiago/2010/02/12/0003_8289772.htm?idioma=galego

Neve en Aiazo

2010-01-19T20:43:00.000+01:00

Veciños de Aiazo actúan como grupo invitado nas Noites de Tasca de Ordes

2009-12-28T16:50:00.000+01:00

O pasado 25 de decembro, día de Nadal, varios veciños e veciñas da nosa parroquia achegáronse a Ordes para aledar a todos cantando o tradicional canto de Nadal. A festa comezou arredor das 6 da tarde na residencia de anciáns de Ordes e prolongouse durante toda a noite por diversos bares da localidade. Podedes ver a noticia que saíu na Voz de Galicia picando aquí:
http://www.lavozdegalicia.es/santiago/2009/12/18/0003_8178881.htm?idioma=galego

Enchente do río Tambre

2009-12-17T20:12:00.002+01:00

As chuvias dos últimos días fixeron que o Tambre aumentase o seu caudal e acabara por botarse fóra do seu leito. A área Recreativa "Os Pasos" de Aiazo quedou asulagada e, se ao mediodía só se podían ver as superficies das mesas e a parte superior das porterías, á noitiña as mesas xa desapareceran baixo a auga e só se apreciaba o largueiro superior das porterías. Estas fotos foron tomadas polo mediodía.

Veciñas de Aiazo en "Doa a Doa"

2009-09-24T15:15:00.001+02:00

O pasado domingo iniciouse na Galega a 5ª tempada do exitoso programa "Doa a doa", no que os avós e avoas da nosa terra relatan como eran os tempos de antes que lles tocou vivir. Entre os entrevistados nesta nova tempada figuran dúas aiacenses que, xa neste primeiro capítulo, demostraron non terlle ningún medo ás cámaras e falar con moita soltura de diferentes temas. Son María Sánchez (da casa de Mella de Fontelo) e Encarnación Costoya (da casa do Curro da Devesa), ás que dende aquí felicitamos con moito cariño.

Para os que non poidades ver os capítulos picade aquí: Televisión á carta

Fotos da XII Ruta de Sendeirismo

2009-09-02T18:29:00.006+02:00

Xa están dispoñibles na sección "Aiazo en imaxes" as fotos da última ruta de sendeirismo realizada en Aiazo este verán. Esta é tan só unha pequena mostra do album de fotos completo. Disfrutádeas!

Vídeos San Pedro 2009

2009-08-28T16:59:00.002+02:00

Xa están en youtube (non era sen tempo) os videos das festas de San Pedro celebradas en Aiazo os pasados 27 e 28 de xuño. Trátase de catro gravacións feitas por Ignacio Souto, ao que desde aquí agradecemos enormemente que decidira compartilas con nós, nas que podemos ver as actuacións musicais dos nosos veciños durante a celebración da misa e a procesión, así como os animados bailes que botamos durante a sesión vermouth. Recoméndovolos, non teñen desperdicio!

Moitas gracias Ignacio pola túa colaboración e dedicación a Aiazo.

FESTA DOS PASOS 2009

2009-07-30T18:36:00.007+02:00

O pasado sábado 25 de xullo, os socios da A.V.V. "Os Pasos" de Aiazo reunímonos na área recreativa do mesmo nome para xantar e gozar un ano máis da festa ao carón de tódolos nosos veciños. Aquí deixo unhas poucas instantáneas dese día:

O noso veciño Marcos Carro Fernández proclámase campión provincial de lanzamento de peso

2009-06-14T22:55:00.007+02:00

Temos que darlle os nosos parabéns a Marcos Carro Fernández, un aiacense moi novo aínda pero que xa se fixo merecedor da medalla de ouro na categoría infantil masculina de lanzamento de peso. Dende aquí, desexámoslle que siga tendo moitos éxitos neste deporte.

E isto é o que dixeron os xornais del.

http://www.tierrasdesantiago.com/index_3.php?idMenu=325&idNoticia=430421
http://www.elcorreogallego.es/comarcas/ecg/protagonistas-hoy-m-asuncion-torres-marcos-carro/idEdicion-2009-05-24/idNoticia-429820/

A IV Festa da Merenda nos xornais

2009-05-15T14:42:00.002+02:00

A IV Festa da Merenda apareceu anunciada en xornais coma La Voz de Galicia ou El Correo Gallego entre outros. Isto é o que dixeron dela:

http://www.lavozdegalicia.es/santiago/2009/04/03/0003_7631610.htm

http://www.elcorreogallego.es/index.php?idMenu=4&idNoticia=409813&idEdicion=1199

http://www.elcorreogallego.es/index.php?idMenu=4&idNoticia=412731&idEdicion=1207

As cociñeiras da IV Festa da Merenda

2009-04-06T18:12:00.001+02:00

Éxito de asistencia na IV FESTA DA MERENDA

2009-04-06T15:31:00.009+02:00

O pasado venres, 3 de abril, moitos/as de vós asististes á IV edición da Festa da Merenda de Aiazo e comprobastes en primeira persoa como nos gusta a festa e a diversión a tódolos/as Aiacenses. Pero para os que por algún motivo non puideron acudir ao evento do ano en Aiazo, aquí van a crónica e as imaxes dunha noite irrepetible.

Aínda que o parte meteorolóxico anunciaba lixeiras precipitacións para a noite, o certo é que o día 3 de abril amenceu totalmente despexado e soleado, polo que poucos presaxiaban as chuvias que caerían a partir das 3 da mañá. Vai ser certo iso de que non hai Festa da Merenda sen que chova un pouquiño. E xa pola mañá comezaban os traballos para que todo estivera preparado para esa noite: a montaxe das carpas, dos escenarios das orquestras Olympus e Panorama, dos bochinches...Durante a tarde moitas mulleres traballaron arreo na elaboración do amoado para as tortillas ou merendas. Empregáronse arredor de 40 ducias de ovos e 2 sacos de fariña que xunto coa auga fixeron un total de 200 litros de amoado.

E sobre as 9 da noite 10 cociñeiras comezaron a elaborar as tan ansiadas tortillas de masa ou merendas. Velaquí as temos:

Axiña comezou a chegar xente e ás poucas horas xa había que agardar un pouquiño para probar as merendas.

A noite estivo amenizada pola música e os cantos dos veciños/as de Aiazo que acuden ás clases de Manolo de Mendes os sábados pola mañá así como polas grandes orquestras Olympus e Panorama.

Programa da IV FESTA DA MERENDA

2009-03-26T16:06:00.002+01:00

IV Festa da Merenda - 3 de abril de 2009

2009-03-13T18:19:00.006+01:00

A Festa da Merenda volve a Aiazo, xa pola súa IV edición, o día 3 de abril de 2009 (o venres previo á Semana Santa). Coma sempre, haberá degustación gratuita de "merendas" ou tortillas de masa con torriscos elaboradas pola xente do lugar a partir das 21.00, dobre carpa para abrigarnos do frío e a choiva en caso de que fixeran acto de presenza e, por suposto, a actuación estelar de dúas orquestras de renome: Olympus e Panorama.
Á orquestra Olympus xa a coñecemos, por acompañarnos en pasadas edicións, aínda que o seu novo espectáculo "El Poder de la Magia" promete sorprendernos. Panorama será a primeira vez que nos visite e farao despois de cumprir os 20 anos enriba dos escenarios. Vaia nivelazo!

Ídela perder? Recordade, o venres 3 de abril á noitiña, IV Festa da Merenda en Aiazo (no campo de futbol, a carón da Área Recreativa "Os Pasos").

Foliada este domingo en Aiazo

2009-02-05T21:09:00.002+01:00

Para o vindeiro domingo día 8 de febreiro, despois de xantar, está preparada unha foliada no local social de Aiazo á que poden asistir todos aqueles que lles guste a música tradicional galega e sobre todo teñan moitas ganas de festa. Alí, na compaña dun café cantaremos e tocaremos coa única finalidade de pasalo ben. Estades todos convidados!

Clases de gaita, pandeireta, tambor, bombo e canto tradicional galego no local social

2009-02-05T20:56:00.004+01:00

Dende hai uns meses estanse impartindo, tódolos sábados pola mañá no local social, clases de música e canto tradicional galegos á que asisten moitos dos nosos veciños e veciñas. Entre os instrumentos que se poden aprender a tocar están a gaita, a pandeireta, o bombo e o tambor. Tamén se están impartindo clases de canto e tanto éxito están a ter, que ata se atreveron a cantar para tódolos veciños de Aiazo unhas coplas de Nadal o pasado 25 de decmbro á saída da misa.
Dende aquí desexámoslles moita sorte e moito ánimo, comezar de cero cun instrumento non é nada doado e precísanse moitas horas de ensaio, pero o resultado sempre é maravilloso.

Aiazo, máis de 48 horas sen suministro eléctrico

2009-01-27T21:31:00.004+01:00

A consecuencia do forte temporal que sufriu Galicia a pasada fin de semana, milleiros de galegos quedaron ás escuras durante varias horas. Aiazo foi un deses lugares nos que, durante aproximadamente unhas 50 horas, vivimos coma non hai tantos anos, sen electricidade. Arredor das 21.30 da noite do venres produciuse o corte de suministro eléctrico, que non se volveu retomar ata pasadas as 11.00 da noite do domingo. As lanternas e as candeas sustituíron á luz eléctrica e a carón do lume da lareira, os contos intentaban entreternos e facernos esquecer por uns momentos a televisión e/ou outros aparellos eléctricos indispensables na actualidade. A comunicación co mundo exterior chegábanos a través dunha pequena radio a pilas, que por enriba non se escoitaba moi ben.

Pero non só iso, se aínda non era abondo con que tivesemos que soportar o corte de luz co que iso supoñía para os nosos conxeladores, neveiras, cociñas vitrocerámicas, fornos, microondas, caldeiras e calentadores, estufas e radiadores, etc, etc, etc; tamén quedamos incomunicados por telefonía móbil. Si, como podedes ver, os teléfonos móbiles non estiveron operativos durante toda a fin de semana porque non dispoñían de rede.

Por outro lado, o teléfono da compañía eléctrica quedou colapsado pola cantidade de chamadas recibidas e moitos dos que intentaron poñerse en contacto con ela, recibiron a voz dun contestador automático como resposta. Non nos quedou outra que resignarnos e tratar de pasar as horas o mellor posible sen pensar no que estariamos facendo se tivésemos luz.

Algúns afortunados, os menos, dispoñían de xeneradores eléctricos que lles axudaron a pasar a fin de semana un pouco máis tranquilos. Outros intentaron facerse con estes prezados motores nun momento de desesperación, o que foi unha tarefa imposible para a maioría, xa que se esgotaron moi axiña en toda Galicia. E outros beneficiáronse da xenerosidade dos veciños que si dispoñían dun xenerador e que accederon a emprestallelo. Deste xeito, un só xenerador puido circular de casa en casa por quendas de unha a dúas horas para evitar que se estragase toda a comida dos conxeladores. Había anos que a luz non faltaba durante tantas horas, pero a magnitude deste temporal foi capaz de conseguilo. Hoxe en día, a penas podemos vivir sen electricidade. Todo o que nos rodea ten enchufe e se non o ten, é porque ten unha batería que precisa ser cargada. Seguro que moitos preguntabades, como podían vivir antes sen luz?

MAGOSTO 08

2008-12-18T20:38:00.009+01:00

Outra vez no outono, que maneira de correr o tempo. Os días que van a menos, as noites tan longas, o vento, a chuvia, esfollar o millo ou ensilalo claro, as mazás, as peras... e como non AS CASTAÑAS.
A castaña foi durante moitos anos o alimento básico dos galegos, ata que no século XIX, a pataca, á que denominaban castaña da terra ou castaña mariña pola súa orixe en ultramar, a substituíu na nosa dieta.
O exquisito froito dos castiñeiros tamén perdeu o protagonismo coa chegada do millo. As enfermidades que afectaban á árbore e a custosa recolección das castañas contribuíron a que os
campesiños se envorcasen masivamente no cultivo do novo cereal chegado de América e descoidasen o traballo nos soutos.
Antes destes dous episodios históricos, a castaña era o alimento principal sobre o que xiraba toda a nosa cociña. Secábase, torrábase, moíase, confeitábase, etc., xa que era necesario
conservala durante os meses de inverno. Destas formas de conservación e do bo facer das cociñeiras galegas xurdiron deliciosas receitas. Aí vai a receita dun saudable postre que leva castañas:
MADALENAS DE CASTAÑAS
Ingredientes para 4 persoas:
• 250 g de castañas
• 1 l de leite
• 250 g de azucre
• 4 ovos
• Manteiga
• Vainilla
• Caramelo líquido
Fai un corte na casca das castañas e cóceas en auga co anís durante media hora, aproximadamente. Unha vez cocidas, pélanse e tritúranse co batedor. Nunha cunca grande, monta as claras de ovo cun batedor de variñas. Dareiche un truco: para que queden perfectas, bótalles un chisco de sal ou unhas gotiñas de limón. Cando estean case montadas, engade un pouco de azucre e segue batendo. Saberás que están listas, se ao retirar o batedor, a clara deixa un “pico”. Noutra cunca grande, batemos a xema co resto do azucre. Sen deixar de bater, engadimos a manteiga e despois o ron. Coa axuda dunha culler de madeira ou unha espátula, incorporamos, pouco e pouco, as castañas trituradas, a fariña e o fermento. E por último, as claras montadas. Mestúraas co resto de ingredientes suavemente, revolvendo sempre no mesmo sentido e con movementos envolventes. Reenche os moldes de madalena sen chegar ao bordo e listo para entrar no forno (prequentado) a 170 ºC durante 15-20 minutos. Agora só queda que arrefríen para poder probalas.

ATENCIÓN ÁS PROPIEDADES
A castaña posúe propiedades tónico -vasculares, reconstituíntes e tamén antiinflamatorias.
Por tanto é beneficiosa para a memoria e moi indicada en casos de desgaste físico, depresións, problemas de próstata, varices, e hemorraxias.
Crudas son algo indixestas. Tomar algunha castaña cocida antes dun exame pode axudar a non ter lagoas de memoria.

E agora as FOTOS DO NOSO MAGOSTO (Feitas por Mónica) sen antes deixar de AGRADECER O ESFORZO FEITO SOBRE TODO POLAS MULLERES QUE FIXERON TANTAS FILLOAS.

Hai máis fotos no álbum da dereita.

Magosto 2008

2008-11-13T17:24:00.005+01:00

Coma cada ano polo San Martiño xuntámonos tódolos veciños/as de Aiazo para comer unhas castañas, uns chourizos e unhas filloas, beber uns grolos de viño (só os maiores), contar uns contos e gozar da festa. Este ano non ía ser menos, así que o vindeiro sábado 15 de novembro tódolos Aiacenses temos unha cita no local social, aló pola noitiña, para celebrar o noso Magosto.

Parece ser que haberá sorpresas. Lembrade, o sábado día 15 de novembro no local social de Aiazo. Non esquezades traer moitas ganas de festa!!!

Volvemos coas pilas cargadas!

2008-09-01T18:19:00.003+02:00

Ola aiacenses!

Xa remataron as vacacións e este blog volve a retomar a súa andaina na rede co único fin de mostrar ao mundo aquelo que máis nos enche de orgullo e emoción a tódolos aiacenses: a nosa parroquia. Tamén queremos que todos e todas poidades compartir as vosas novas, fotos, vídeos, anécdotas e experiencias relacionadas con Aiazo e as súas xentes nesta web. Para iso contamos con diversas ferramentas coma un caixón de mensaxes curtas ou unha presentación de fotografías e videos dos últimos eventos en Aiazo, sen esquecernos da posibilidade de comentar tódalas entradas que aquí se publican con total liberdade de espacio e extensión picando en comentarios.

Polo de agora, só informarvos de que xa tedes á vosa disposición o álbum de fotos da XI Ruta de Sendeirismo (na sección Aiazo en imaxes), así como o video tan agardado do noso veciño Enrique, sacristán da parroquia, cantando as aventuras de Manuel do Campo e a súa burra co que se fixo merecedor dun premio. Podédelo ver na sección Aiazo en vídeo. Recoméndovolo, non ten desperdicio.

Por último, felicitar unha vez máis ás mellores cociñeiras de merendas do mundo que, por casualidade, son todas de Aiazo e ás que esta pasada fin de semana homenaxeou a A. VV. Os Pasos cun xantar na área recreativa do mesmo nome.

É todo polo momento.

Seguiremos informando.

XI RUTA DE SENDEIRISMO

2008-07-16T12:21:00.003+02:00

No ano 1998 xurdiu a idea de facer un percorrido por algún lugar da nosa parroquia ou entorno, sobre todo para que os máis novos descubrisen os sitios tan fermosos cos que contamos e aprendesen a valorar a riqueza natural dos nosos arredores. Por outra banda era importante que tomaramos conciencia de que debiamos querer e respectar o medio que nos rodea, descubrir pequenas fontes que non paran de botar auga fresca no medio do monte, aprender a escoitar o canto dos paxariños e empaparse da tranquilidade que nos transmiten, apreciar a beleza das innumerables plantas coas que contamos como freixos e aveleiras na beira do río, fieitas reais, queirogas... A experiencia tivo éxito e xa imos pola DECIMOPRIMEIRA RUTA DE SENDEIRISMO. Será coma sempre o primeiro sábado de agosto. Faremos a ruta prevista, xantaremos na área recreativa e disfrutaremos coas distintas actividades pola tarde.

FESTA DOS PASOS 2008

2008-07-16T12:12:00.003+02:00

O vindeiro 26 de xullo, terá lugar a festa anual dos socios da A. VV. "Os Pasos" de Aiazo. Será coma sempre na área recreativa dos Pasos. Esperemos que sexa un día estupendo no que tódolos veciños/as se reencontren e disfruten comendo, cantando, bailando...

A III Festa da Merenda nos xornais

2008-04-22T13:46:00.005+02:00

Como xa sabedes, o pasado 14 de marzo celebrouse en Aiazo a III Festa da Merenda, acontecemento do que se fixeron eco diversos medios de comunicación.

Entre eles é preciso mencionar o programa da Radio Galega "Pensando en ti" dirixido e presentado por Marcial Mouzo, ao que agredecemos enormemente á súa atención e colaboración coa festa, e tamén o programa "Luar" da Televisión de Galicia que tódolos venres presentan Xosé Ramón Gayoso e Nieves Rodríguez.

A III Festa da Merenda tamén apareceu en diferentes xornais de ámbito comarcal coma "Tierras de Santiago" ou "El Entorno Metropolitano". Aí vos deixo as súas reportaxes.

As cociñeiras desta III Festa da Merenda

2008-04-01T16:23:00.002+02:00

Éxito rotundo da III Festa da Merenda

2008-03-17T16:23:00.015+01:00

Aiazo acolleu este pasado venres, 14 de marzo, a milleiros de visitantes ansiosos por degustar as nosas merendas e tamén por escoitar ás dúas orquestras que nos acompañaban: Olympus e Philadelphia. A Festa da Merenda de Aiazo está gañando puntos e pronto ócupará un lugar privilexiado entre as moitas festas gastronómicas da nosa comunidade.

O tempo decidiu acompañarnos este ano e a noite comezou sen ningún percance coas cociñeiras elaborando as tortillas de masa para todos/as. Ante a cantidade de xente que asistiu ao evento, as cociñeiras andiveron un pouquiño apuradas xa que non querían que ninguén marchase sen probar a merenda. E velaquí están:

Arredor das 11 da noite, comezou a actuación da orquestra Philadelphia que nos deleitou coa súa música e a súa actuación. Christian adicoulles ás cociñeiras o seu "Soy minero". E cara as 12.30 da noite, a actuación estelar da orquestra Olympus tívonos a todos en vilo. Ata se atreveron co Chiki-chiki!
Unha noite incrible. Dende aquí, dar as gracias a tódolos asistentes, ás dúas orquestras que o fixeron marabillosamente, ás cociñeiras e, sobre todo, aos membros da asociación por continuar con esta festa que cada vez nos encanta máis. Un bico a todos/as. Vémonos na próxima.
Ah! Xa podedes ver tódalas fotos desa noite na sección Aiazo en imaxes. Se alguén ten máis fotografías e quere que as suba, enviade un mail a tamica_@hotmail.com.

Xa hai programas da III Festa da Merenda!

2008-02-28T23:36:00.007+01:00

Este é o programa da III Festa da Merenda que, en breve, veredes colgado por tódalas árbores e paredes. Recordamos: O venres 14 de marzo, celebramos a III Festa da Merenda. Aproximadamente, a partires das 9 da noite, haberá tortillas de masa con ou sen torriscos gratis para todos. E a continuación actuación das orquestras Olympus e Philadelphia.A Olympus xa a coñecedes: Para moitos trátase da mellor orquestra de toda Galicia. Os seus cantantes Peke, Danni, Kristie e Lucky fannos saltar e bailar ao ritmo das súas cancións. Recentemente superaron o récord Guiness ao tocar durante 24 horas seguidas en Negreira. Moitos de nós estivemos alí e comprobámolo. E para este ano prometen sorpresas, novas incorporacións e moita festa!!! Visitade a súa web http://www.orquestaolympus.net/

A orquestra Philadelphia tamén nos acompañou o ano pasado e ofreceunos un espectáculo inmellorable. E este ano asegúrovos que ides disfrutar o dobre con eles. Segundo as informacións que me chegaron dalgúns aiacenses que a viron actuar hai moi poucos días, as dúas novas incorporacións como cantantes son espectaculares. E para aqueles que lles apasionaba a voz de Christian cantando "Soy minero", non vos preocupedes, que segue no grupo e, de seguro, vos deleitará coa súa voz.

Nada máis. Soamente dicirvos que non podedes faltar. Ídela perder?

Mens sana in corpore sano

2008-02-21T14:58:00.004+01:00

Parece que os Reis Magos viñeron cargadiños a Aiazo este ano. Primeiro foron os ordenadores e seguidamente, para exercitar non só a nosa mente senón tamén o noso corpo, deixáronnos catro máquinas de ximnasia: unha bicicleta estática, unha bicicleta elíptica, unha cinta e un stepper.

Deste xeito, os nosos maiores (moitos dos cales viven sós) teñen un incentivo para saíren das súas casas, facer un pouco de exercicio, conversar cos veciños/as e ata xogar unha partida de cartas tódalas tardes.

A iniciativa está a ser un éxito e así nolo demostran as persoas que tódalas tardes se reúnen no local social para facer uso das máquinas.

Internet tamén para nós

2008-02-08T11:22:00.001+01:00

En colaboración coa Consellería de Medio Rural, a Asociación de Veciños "Os Pasos",vén de equipar o local social da nosa localidade con tres equipos informáticos (que en breve disporán de conexión a internet) e unha impresora multifunción para o seu uso gratuito polos rapaces e mozos/as de Aiazo. Deste xeito, o proxecto "Internet tamén para nós" pretende garantir as mesmas oportunidades de acceso ás Novas Tecnoloxías da Información e a Comunicación e á rede Internet para os nenos do medio rural que non dispoñen das vantaxes de vivir preto dun cyber ou dunha biblioteca ou aula de informática públicas

Xa queda menos para a III Festa da Merenda!!!

2008-02-01T13:24:00.000+01:00

Amigos e amigas, como xa sabedes o vindeiro 14 de marzo celebramos a III edición da Festa da Merenda en Aiazo. Si, tan só quedan 42 días!!!

Temos o honor de contar con dúas das orquestras máis solicitadas para este ano: OLYMPUS e PHILADELPHIA.

Volveremos a revivir momentos tan especiais coma os do ano pasado. Recordades?

Non podedes faltar! Agardámosvos!!!

Fotos do Magosto (3 de novembro de 2007)

2007-11-09T21:41:00.000+01:00

Pois xa temos as fotos do magosto celebrado en Aiazo o pasado 3 de novembro, como aquí vos anunciaramos. Darlle as gracias a Mónica (a fotógrafa) por compartir con todos nós as imaxes daquela noite. Coma sempre, podédelas ver a pantalla completa na sección "Fotografías de Aiazo". Espero que vos gusten.

Un bico xentiña e dende aquí anímovos aos que queirades a compartir con todos nós neste blog fotos de Aiazo, da súa xente, das súas celebracións, etc. Podédelo facer subindo as vosas fotos a un álbum web picassa (http://picassaweb.google.es) e enviando posteriormente un mail a tamica_@hotmail.com para que eu o inclúa na sección "Fotografías de Aiazo", ou simplemente enviando as fotos ao meu correo electrónico para que eu as suba.

Quentando motores para a III Festa da Merenda (14 de marzo de 2008)

2007-11-05T15:43:00.001+01:00

Magosto 2007

2007-11-02T13:29:00.000+01:00

Para ir quentando os motores antes da III Festa da Merenda, Aiazo celebra o seu magosto para tódolos/as veciños/as o vindeiro sábado día 3 de novembro á noitiña. Haberá castañas asadas, filloas, chourizos e viño. Será no local social de Aiazo. Vémonos.

III Festa da Merenda - 14 de marzo de 2008

2007-10-22T23:14:00.000+02:00

A III edición da Festa da Merenda volve a Aiazo o día 14 de marzo de 2008. Haberá degustación gratuita das típicas "merendas" ou tortillas de masa con torriscos elaboradas pola xente do lugar, dobre carpa para abrigarnos do frío e a choiva en caso de que fixeran acto de presenza e, por suposto, a actuación estelar de dúas orquestras de renome: Philadelphia e Olympus.

Ídela perder?
Recordade, o venres 14 de marzo cara a noitiña, III Festa da Merenda en Aiazo (no campo de futbol, a carón da Área Recreativa "Os Pasos").

Tres das cancións do grupo Ciclón: El mundo se equivoca, Te buscaré e Highway to Hell

2007-08-29T18:40:00.000+02:00

A calidade dos mesmos non é todo o boa que me gustaría, pero é a que pode soportar unha cámara dun móbil.

Grupo Ciclón, unha nova promesa entre as orquestras

2007-08-24T15:53:00.000+02:00

O pasado domingo 19 de agosto, día no que se celebraba a Festa de San Roque na nosa localidade de Aiazo, tivemos o pracer de ver actuar a unha das novas promesas entre as orquestras, que de seguro dará moito que falar.
Trátase do Grupo Ciclón, capitaneado por Noelia (a súa cantante femenina) e seguida dun séquito de músicos e outros cantantes, que fixeron as delicias de mozos e maiores (sobre todo destes últimos cando Noelia se lles achegaba para bailaren).
Todo un espectáculo visual, moi animado polos dous cantantes, que conseguiron mover á xente facendo rodas de baile en diversos momentos.
Estamos asistindo ao nacemento dun gran grupo? O tempo será o que nolo diga.
Aquí deixo algunhas fotos do momento.

Festa de San Roque - Aiazo 2007

2007-08-12T20:44:00.001+02:00

X Ruta de Sendeirismo - Aiazo 2007

2007-08-05T20:34:00.000+02:00

De novo subimos o álbum de fotos completo desta X Ruta de Sendeirismo, celebrada o pasado sábado día 4 de agosto de 2007. Podédelo visualizar na sección de "Fotografías de Aiazo". Unha xornada que deu moito de sí, como poderedes observar...
Un saúdo e vémonos na próxima camiñada.

Festa dos Pasos (Aiazo 2007)

2007-07-23T17:41:00.000+02:00

Aquí vai un resumo de fotos da Festa dos Pasos 2007 celebrada o pasado sábado. O álbum completo está colgado na sección de Fotografías de Aiazo.
Espero que vos guste.
Un saúdo.

21 de Xullo - Festa dos Pasos

2007-07-17T16:36:00.000+02:00

O vindeiro sábado día 21 de Xullo terá lugar a celebración da anual Festa dos Pasos na área recreativa do mesmo nome. Un xantar no que se xuntarán tódolos socios e no que tamén se levarán a cabo as votacións para formar a nova directiva da Asociación de Veciños "Os Pasos", amais da actuación do Trío Alba pola noite.

Programa de festas San Pedro de Aiazo

2007-06-25T20:58:00.000+02:00

Grandes festas en Aiazo na honra a San Pedro:

SÁBADO 30 DE XUÑO: Misa solemne ás 13:30 e sesión vermouth a cargo do grupo CEIBE. Pola noite verbena co grupo CEIBE.

DOMINGO 1 DE XULLO: Misa solemene ás 13.30 e sesión vermouth a cargo do trío ALBA.

Xantar en honor ás cociñeiras da Festa da Merenda de Aiazo

2007-06-18T19:15:00.000+02:00

O pasado domingo día 18 de xuño, a Asociación de Veciños Os Pasos quixo agradecer ás mulleres de Aiazo que colaboraron coa Festa da Merenda elaborando este exquisito prato, cunha comida e algún que outro agasallo. Dende aquí, simplemente darlles as gracias por faceren a mellor merenda do mundo. Un bico para todas elas.

Un couto de pesca en Aiazo (noticia no xornal La Voz de Galicia de hoxe)

2007-06-07T14:24:00.000+02:00

Medio Ambiente autorizará otro coto de pesca en el Tambre
Será el primero de la zona para capturar truchas sin muerte

El nuevo tramo acotará 9 kilómetros del cauce fluvial a su paso por O Pino, Frades y Oroso.

El río Tambre tendrá un nuevo tramo reservado para la pesca. La Consellería de Medio Ambiente ha iniciado los trámites administrativos que preceden a la autorización del coto, que será el primero con la categoría de sin muerte que se habilitará en los cauces fluviales que discurren por los municipios del área de influencia de Santiago.

La nueva zona acotada para pescar dará respuesta a los aficionados que demandan practicar el deporte en estado puro; es decir, utilizando un cebo que no causa la muerte a las capturas y permitiendo, en consecuencia, soltarlas de nuevo a su hábitat natural. El coto que autorizará el departamento autonómico, que ha anunciado en el Diario Oficial de Galicia la exposición pública del correspondiente expediente a efectos de abrir el plazo para alegaciones, se limitará a la pesca de trucha en un tramo de más de nueve kilómetros. La presa del área recreativa de Os Pasos y el río Samo conformarán los límites del nuevo coto que se habilitará en el Tambre a su paso por los concellos de O Pino, Frades y Oroso.

El cauce fluvial de la comarca compostelana sumará así su octavo tramo acotado para la pesca, autorizada, actualmente, en cinco cotos para trucha, uno de pesca intensiva, y otro para reo. La captura de la especie más común en los ríos gallegos está permita en temporada en los cotos de Chaián, que abarca los municipios de Santiago y de Trazo; Ponte Castro, en un tramo de río que discurre por Vilasantar, Boimorto y Mesía; y tres más identificados como cotos de Sigüeiro, en los que las aguas del Tambre bañan los ayuntamientos de Oroso, Santiago y O Pino.

En el mismo río, el coto de Ponte Maceira, que comprende un tramo fluvial entre Ames, A Baña y Negreira, está autorizado para la pesca libre; mientras que la captura de la especie piscícola de reo está permitida en el coto de Noia, que comparten este municipio junto con Brión, Negreira y Outes.

Outro momento espectacular na II Festa da Merenda de Aiazo: ese Dani!!!

2007-03-27T15:40:00.000+02:00

Un dos momentos máis divertidos da II Festa da Merenda de Aiazo: a Cabritinha da orquestra Olympus

2007-03-22T23:53:00.000+01:00

A II Festa da Merenda de Aiazo nos xornais

2007-03-15T23:39:00.000+01:00

A chuvia fixo estragos... pero non puido coa II Festa da Merenda!!!

2007-02-27T19:09:00.000+01:00

O pasado venres 23 de febreiro tivo lugar en Aiazo (Frades) a II Edición da Festa da Merenda, organizada pola Asociación de Veciños "Os Pasos" do mesmo lugar. A súa pretensión é honrar un produto con moita tradición na comarca, que foi un dos alimentos básicos dos anos da posguerra.

Nove mulleres de Aiazo (abaixo retratadas) estiveron elaborando, ao longo de algo máis de 5 horas, a tradicional merenda ou tortilla de masa acompañada de torriscos. Empregáronse uns 60 Qg de fariña, 22 ducias de ovos caseiros e 15 Qg de touciño do que se obtiveron os torriscos.
A pesares da intensa chuvia, que caeu ao longo de todo o día, a festa resultou un éxito como o demostran as máis de 1000 persoas que pasaron polo campo da festa, situado na Área Recreativa "Os Pasos", entre as 9 da noite e as 5 da madrugada.
Uns gaiteiros e as orquestras Olympus e Philadelphia foron os encargados de aledar a noite, sobre todo aos máis novos.

As palas e os tractores do concello e dos veciños de Aiazo traballaron arreo toda a tarde para colocar os trailers cos escenarios móviles das orquestras no campo, que a chuvia deixara todo enlameado.

Mentres tanto, as cociñeiras tamén preparaban os seus utensilios...

E comezaron a face-las tortillas...

E aquí están as protagonistas da noite: as cociñeiras, xa que sen elas non habería "merenda". Comezamos con Mariluz de Mestre...

Jesusa de Castro

Encarnación do Curro

Consuelo de Meixide

Maruja da Pedra

Carmucha do Muiñeiro

Fina de Neira

Fina de Carro

...e Carmen de Ramiro

E aquí temos aos primeiros comensais...

Os membros das orquestras Olympus e Philadelphia tamén tiveron uns minutos para probar as tortillas antes de comezar as súas actuacións.
O alcalde tamén se atreveu a virar polo aire a merenda

Os gaiteiros de Lardeiros comezaron a animar a festa
E a continuación tocoulle a quenda á orquestra Philadelphia

E para aledar aínda máis a tódolos asistentes, a orquestra Olympus:

E por último, só me queda mostrarvos aos organizadores desta espectacular Festa da
Merenda.

Moitas grazas a todos eles e, por suposto, a tódolos asistentes. Vémonos o ano que vén.

Como chegar a Aiazo

2007-02-22T17:47:00.000+01:00

Sinaleivos Aiazo en amarelo e os tres itinerarios, que abaixo se explican, en verde. Para ver o mapa máis grande picade sobre el.

É moi facil, dende Santiago hai que coller a N-634, que vai a Oviedo (collendo dirección Curtis á altura do aeroporto), hai que saír da carretera no pobo de Ponte Carreira, está indicado á dereita (cando levemos uns 25 minutos de coche dende Santiago),neste lugar, no primeiro cruce que atopemos collemos á esquerda pola carretera que vai a Ordes (está indicada), a 2Qm está Aiazo.

Dende Ordes hai que coller a carretera de Ponte Carreira (no cruce principal indo de Santiago á Coruña, sería coller á dereita), e nesta mesma carretera atopamos Aiazo, a 15 Qm exactamente.

Dende Sigüeiro hai que tomar a carretera da Grabanxa, (vindo de Santiago, á dereita no cruce principal), e seguir esta ata que remata en Frades, uns 20 Qm. Estamos na carretera de Ordes - Ponte Carreira, collendo a dereita atopámonos con Aiazo a 1 Qm.

2ª Big Night de Olympus na Festa da Merenda

2007-02-19T17:52:00.000+01:00

Aiazo foi o lugar escollido, xa que a orquestra Olympus celebrará a súa 2ª Big Night na Festa da Merenda este venres 23 de febreiro. Na súa web anuncian moitas sorpresas para esa noite: mans aplauso para todos, sombreiros vermellos, os novos pósters firmados por Olympus e tamén a entrega do CD a tódolos nenos que desexan participar no casting. Máis información en http://www.orquestaolympus.net/main.html

Faltan 4 días...

Casting de Olympus na Festa da Merenda

2007-02-16T19:06:00.000+01:00

Na páxina web da orquestra Olympus podíase ler estes días a seguinte información:

ESTAMOS PREPARANDO UN CASTING PARA "PEQUEÑAS VOCES" CON INTENCION DE ENCONTRAR A MUCHOS DE LOS NIÑOS QUE NOS SIGUEN CADA NOCHE Y QUE QUIERAN CANTAR CON NOSOTROS ESTA TEMPORADA 2007... EN NUESTRO PROXIMO DISCO, QUE SALDRA A PRINCIPIO DEL MES DE MAYO, INCLUIREMOS EL TEMA "que canten los niños" DE JOSE LUIS PERALES, CON LA COLABORACION DE TODOS LOS NIÑOS QUE QUIERAN PARTICIPAR EN LA GRABACION Y POR SUPUESTO PASEN EL CASTING SENCILLO QUE HAREMOS ESTE MES.
EL VIERNES DIA 23 ENTREGAREMOS A TODOS LOS NIÑOS QUE DESEEN PARTICIPAR UN (CD) CON LA CANCION ELEGIDA Y UNA HOJA CON LA LETRA DEL MISMO...
TODOS LOS NIÑOS QUE SUPEREN EL CASTING NO SOLO TENDRAN LA OPCION DE GRABAR EN EL ESTUDIO CON NOSOTROS, SINO QUE TAMBIEN LES DAREMOS LA OPORTUNIDAD DE CANTAR CON NOSOTROS EN DIRECTO EN CADA UNA DE LAS MUCHAS FIESTAS QUE HAREMOS ESTA TEMPORADA... OS SEGUIREMOS INFORMANDO. UN SALUDO

Así que xa sabedes, todos aqueles rapaces e rapazas que esteades interesados tedes que vir o venres día 23 de febreiro a Aiazo.

Xa temos programas!!!

2007-02-12T11:48:00.000+01:00

II Edición da Festa da Merenda

2007-01-30T15:47:00.000+01:00

Para os que aínda non se enteraron, o venres 23 de febreiro celebramos en Aiazo (Frades) a II Edición da Festa da Merenda, na que haberá degustación gratuita da tradicional tortilla de masa. Estades todos convidados así que non podedes faltar! Agardámosvos.

E ademais, para animar a festa actuarán as orquestras Philadelphia e Olympus.

Recorda: o 23 de febreiro no campo de fútbol de Aiazo, a carón da área recreativa "Os Pasos".

Se queredes coñecer máis sobre a orquestra Olympus, visitade a súa web http://www.orquestaolympus.net/main.html

Ah! Teremos dúas carpas pechadas por se vai frío ou chove.

E por se aínda non coñecedes aos novos compoñentes da orquestra Olympus...

2007-01-21T16:42:00.000+01:00

Déixovos aquí tamén unha actuación da orquestra Olympus, que como non, tamén estará na II Festa da Merenda de Aiazo o día 23 de febreiro.

http://www.youtube.com/watch?v=c0zMj6Pbg28

Se queredes ver máis, non vos queda outra que vir a Aiazo o venres 23 de febreiro. Agardámosvos!

Queredes coñecer á nova orquestra Philadelphia?

2007-01-17T16:38:00.000+01:00

Pois se queredes ver en primicia como canta unha das orquestras que estarán en Aiazo o vindeiro 23 de febreiro, non deixedes de ver unha das súas primeiras actuacións no programa Luar da galega.

Ou se non picade aquí
http://www.youtube.com/watch?v=V_e5JnQGWPU

A cabritiña

2007-01-15T16:26:00.000+01:00

Para aqueles aos que lles gustaba cantar a "Cabritinha" o verán pasado...

Se non o podedes ver picade aquí: http://www.youtube.com/watch?v=vEBdacmNwso

Fotos do Magosto

2006-11-27T15:24:00.000+01:00

Magosto

2006-11-14T17:26:00.000+01:00

A Asociación de Veciños "Os Pasos" organiza un magosto coa colaboración dos veciños para tódolos socios. Será este sábado noite no local social. Haberá castañas, filloas e chourizos.

Artefactos incendiarios en Aiazo

2006-11-05T23:40:00.000+01:00

"En los incendios intencionados los métodos más utilizados son las mechas con cerillas atadas, las vengalas, algún tipo de petardo de lucería, pitillos con cerillas atadas con cinta aislante. Alguna vez aparecen estos artefactos introducidos en bidones de gasolina para que la virulencia del fuego sea mayor. Los más sofisticados son las vengalas enganchadas en un paracaidas que se tira desde el aire, son casos excepcionales, pero los hay. En la mayoría de los incendios intencionados se utiliza mechero. Nunca aparece, las cerrillas y la colilla, sí".

Na pasada fin de semana tres destas vengalas enganchadas nun paracaídas foron atopadas na nosa parroquia; unha delas nun piñeiral preto da Devesa e as outras dúas nunha eira de Fontelo, moi próximas ás casas. A garda civil iniciou unha investigación xa que, estes artefactos, como recollen os expertos, son algúns dos métodos máis utilizados para provocar incendios de forma intencionada. Afortunadamente, isto non ocorreu en Aiazo desta volta. Loitemos contra o lume.

O equipo de futbol de Aiazo

2006-10-24T12:58:00.000+02:00

Máis fotos de Aiazo

2006-10-18T15:28:00.000+02:00